السلام عليكم ورحمة الله وبركاته
اهلا ومرحبا بكم متابعي قناة ومدونة ابن مصر
ان شاء الله معانا موضوع خاص يهم كل بيت مصري من حيث تحسين الدخل الشهري للاسر الفقيرة او المتوسطة التي ينطبق عليها الشروط الا وهو معاش تكافل وكرامة وقبل ما نتكلم عن الموضوع احب اقول انهم معاشين لفئتين مختلفتين مش معاش واحد زي ما الاغلبية فاكرة.
وطبعا لايصال وتوضيح الفكرة هنقسم الموضوع وهنتكلم في الموضوع ده عن معاش تكافل كرامة كيفية التسجيل وشروطه والاوراق اللازمة اما عن كيفية عمل تظلم للمستحقين نخلي لها موضوع خاص بها ايضا وهو موضوع هيكون في غاية الاهمية
ونبدأ علي بركة الله ونسال ماهو برنامج تكافل وكرامة ؟
الاجابة تكافل وكرامة هو برنامج اطلقتة وزارة التضامن لاعالة الاسر الفقيرة واعني بالاسرة من لديها اطفال بالتعليم فقط حتي عمر 18 سنة يبقي ده معاش مينفعش لاسر معندهاش اولاد في التعليم
ما هي شروط الحصول علي المعاش ؟
- اولا علشان تحصل علي معاش تكافل وكرامة لازم تكون الاسرة مكونة من زوج وزوجة واولاد بالمدارس
- ثانيا ان يكون افراد الاسرة موجودين ومقيمين بمصر يعني ميكونش الزوج مسافر بره مصر .
- ثالثا : الا يكونا الزوج والزوجة موظفين بالقطاع العام او الخاص وده يكون مثبوت ببطاقة الرقم القومي
- رابعا : الا يمتلكا الزوج او الزوجة عقارات واطيان زراعية اكثر من فدان اوسيارت فارهة او سيارات عادية
- خامسا : ان لا يكون للزوج او الزوجة أي معاشات حكومية من أي نوع وكمان ميكونش عندهم مشروع بسجل تجاري وكمان حجاة مهمه ميكونش مؤمن علي أي من افراد الاسرة
طيب حضرتك او أي حد وجد في نفسة الشروط دي يبقي من حقة التقديم علي معاش تكافل وكرامه
طيب يروح فين
يروح علي وحدة الشئون الاجتماعية التابع لها في محل الاقامة وطبعا التقديمات بتفتح مرتين في السنة
ونسال سؤال كيف تكون التقديمات هتكون ازاي ؟
التقديمات الخاصة بموضوعنا اللي تكافل وكرامة او معاش الاسرة بيكون يدوي بمعني ان حضرتك هتحضر الملف اللي هاقولك عليه وتروح في المعاد المحدد الي وحدة الشئون الاجتماعية اللي حضرتك تابع لها وهما بيقبلوا الطلب والتقديم بيفتح مرتين في السنة وفي خلال ست اشهر طلبك بيتسجل علي الكمبيوتر وبيتم فحص الحالة .
كيف يتم فحص الحالة ؟
الاجابة عن طريق التنسيق بين لجنة من المديرية والادارة بالشئون الاجتماعية وبين موظف فحص الحالات المسئول في وحدة الشؤون
كيف اعلم اني مقبول ؟
الاجابة تكون حضرتك بعد مدة ست اشهر بتروح تسال في الشئون وبتابع معاهم بينزل كشف بالمقبولين وبعدها بفتره بسيطه بتنزل الفيزا الخاصة بالمعاش وبتقدر تصرف المعاش من أي مكتب بريد
ماهي الاوراق المطلوبة ؟
الاوراق المطلوبه بسيطة خالص اكتب ورايا
- اولا صورة بطاقة الزوج والزوجة وشهايد ميلاد الاطفال بالمدارس الي سن 18 سنه ولابد نتاكد ان البطاقة سارية
- اتنين افادة من المدرسة ان ابنهم او بنتهم طلاب مقيدين بها
- ثلاثة وصل كهربا حديث ولو العداد بالكارت بتحط الوصل بتاعه عادي
- اربعة صورة عقد الزواج
- خمسة افادة من الجمعية بعدم وجود حيازه زراعية او وجود حيازة مع بيان مقدارها
وبعد كده حضرتك تحطهم في دوسية ورق وتكتب عليه الاسم ورقم التليفون المحمول وتحطهم في دوسية كبلاستيك كبسول وتقدمهم في المعاد
طيب هنفترض ان حضرتك قدمت الاوراق اللازمة والشروط متوافره علي حضرتك ولكنك لم تقبل ايه الحل ؟ الحل ان شاءالله هتابعة معانا في حلقة قادمة وايضا انتظروا في حلقة قادمة معاش كرامة ماهو وكل ما يخصه
ليست هناك تعليقات:
إرسال تعليق