اهلا ومرحبا بكم متابعي قناة ومدونة ابن مصر
اليوم بفضل الله معانا حلقة هامة جدا جدا عن تقديمات المرحلة الثانية لدعم العمالة الغير منتظمة من وزارة المالية المنتشرة علي المواقع بكثرة والتي تبين انها مزيفة بالمصري فنكوش وياريت حضرتك تتابع الحلقة كاملة علشان الفكرة توصل
وتدعمنا بالاشتراك والاعجاب والمشاركة فضلا وليس امرا ليصلك كل جديد
بعد ما اتكلمنا في حلقة ماضية بعنوان كيفية التسجيل فى منحة 500 من القوي العاملة بدون سرقة بياناتك طبعا الامر كان غريب شوية علي المشاهدين ولاقي في بداية الامر استنكارات وايضا كان فيه تعليقات في بداية الامر سخيفة واتهامي ان نشر الحلقة كان لهدف جذب المتابعين وتحقيق مشاهدات عاليه بالكذب , بسبب ان الموقعين شكل بعض , ولكن بعد ان اعلنت وزارة القوي العاملة ان تم اغلاق باب التقديمات الخاصة به من يوم الخميس 9 ابريل 2020 للبدء في صرف المساعدات وانا اليوم اقوم بتسجيل حلقة بتاريخ 19 ابريل 2020 ومازال الرابط المزور شغال , وطبعا التعليقات اتقبلت من السلبية للايجابية ورسائل شكر بعد كده ومن وجهة نظر القناة ان التقديمات زادت عن 10 مليون متقدم اللي وصل منهم 2 مليون فقط وحوالي 80 % من الناس سجلت علي الرابط المزور مع انها كانت مستحقة .
طيب تسكت الناس المضللة اللي عايزه تسرق البيانات لا متسكتش
ارسل الي احد الاصدقاء رسالة علي الواتس فيها رابط عن التسجيل في مساعدات ومنحة للمرحلة الثانية من وزارة المالية وسألني هل هذا صحيح وبمراجعة الموقع تبين الاتي :
انه موقع يدعي أنه لتقديمات المرحلة الثانية لدعم العمالة الغير منتظمة وهو الظاهر امام حضرتك
وهذا الموقع يطلب من حضرتك ادخال الاسم كاملا والرقم القومي والعنوان ورقم التليفون وبيانات هامة عن حضرتك متسجلش ولا تحط البيانات الا بعد التأكد
طيب ازاي أتأكد انه موقع صحيح هتعمل زي ما عملت :
اول شي شوفت الرابط لقيته تبع مدونه مجانية يعني اللي عاملة مصرفش عليه حتي ربع جنية وطبعا الروابط دي المفروض منبثقة او متفرعة من روابط حكومية أو علي الاقل موجودة عليها .
ثاني شي : دخلت علي الموقع ملقتش أي معلومات نهائيا غير صفحة التسجيل ولوجو أو صورة وزارة المالية المصرية عليه .
ثالث شي : دخلت علي الموقع الرسمي لوزارة المالية اتصفح الاقسام عن ذلك الخبر وغالبا هتلاقي الخبر في قائمة الاخبار او اخر الاخبار ايضا مفيش أي شي بخصوص المنحة .
يبقي فاضل شي اخير وهو الاتصال المباشر مع الجهة الحكومية لمعرفة صحة الخبر من عدمة
دخلت علي ايقونة اتصل بنا من الموقع الرسمى لوزارة المالية وفعلا كلمتهم وده نص المكالمة :
السلام عليكم
وعليكم السلام
حضرتكم القوي العاملة
ايوه يا افندم
سألتهم : هل اعلنتم عن منحة 500 جنية للمرحلة الثانية للعمالة الغير منتظمة
قالوا : لا يا افندم
سألتهم : هل الموقع او الرابط اللي بيطلب الاسم والرقم القومي وبيانات اخري واللي عليه اللوجو بتاع وزارة المالية يمثلكم للتأكيد علي الكلام
قالوا لا يا فندم
وقمت علي الفور بالابلاغ عن ذلك الرابط لشركة جوجل لحذف تلك المدونة زي ما هو ظاهر امام حضرتك .
يبقي كده الموضوع ده فنكوش مزور والهدف منه سرقة بيانات حضرتك وهذا الامر خطير جدا ممكن يكلف حضرتك خسارة كبيرة وان شاء الله هيكون هناك حلقة خاصة بذلك
وكان لازم انبه حضرتك لان الوارد علي الموقع المزور ده كتير جدا وصل في اقل من 10 ساعات الي نص مليون زائر واصعب شيء البداية
وارجو تكون الفكرة وصلت
ليست هناك تعليقات:
إرسال تعليق