اهلا ومرحبا بكم متابعي قناة ومدونة ابن مصر
اليوم معنا موضوع مهم جدا جدا خاص بطلبة الثانوية العامة والدبلومات الفنية وايضا الثانوية الازهرية
بكرر موضوع مهم جدا لانه هيوفر لحضرتك الوقت والفلوس والراحة وضروري حضراتكم تتابعوا الموضوع للاخر .
معانا موضوع الانتساب والانتظام , كونك طالب لسه بيقدم للكليات بتلاقي في الرغبات كليات انتظام وانتساب وحضرتك مش عارف الفرق بينهم , واذا كنت سمعت عنهم فبيكون باختصار الانتظام حلو وجميل وابن ناس والانتساب وحش ونظام الطالب البليد .
طيب انا بتكلم مع حضراتكم في البداية وهو قانون اصلا مش كل حاجه كلها حلوه ومش كل حاجه كلها وحشها وهابين لحضراتكم ان ممكن يكون الانتساب افضل من الانتظام بمرات كتير ولكن في البداية احب اعرف حضرتك الفرق بين الانتظام والانتساب .
اولا : مش كل الكليات والكلام ده للتربية والتعليم والازهر والدبلومات فيها نظام الانتساب علي سبيل المثال الطب والصيدله والهندسه وكليات تانية كتير ومليش دعوة بالجامعات الخاصة . وفيه كليات فيها انتظام وانتساب مثلا الحقوق التربية التجارة الجامعات الاسلامية الشريعة الاصول اللغة العربية وغيرهم .
طيب ايه نظام الدراسة والمصاريف واعمال السنة ؟
اقول لحضرتك بالنسبة للمصاريف يعتبر شيء بسيط الانتساب بيفرق عن الانتظام مصاريف سنويه من 450 جنيه الي 650 ج
وبالنسبة للحضور انا هاكلمك علي ارض الواقع المفروض فيه حضور اسبوعيا لكن الحقيقة ان هذا امر غير مفعل يعني عادي ممكن متحضرش واعمال السنة واحدة مش هيفرق نظام من انتساب .
طيب هناك سؤال مفترض هل ممكن احول انتظام بعد ما كنت انتساب ؟
الاجابة نعم حضرتك لوجبت تقدير جيد اول سنة بتبقي انتظام .
طيب كيف يكون الانتساب افضل من الانتظام ؟
الامر سهل وبسيط – هنفترض ان حضرتك جايب 75% ومقيم مثلا في كفرالشيخ وحابب تقدم حقوق وكفر الشيخ بتقبل من 70% انتساب وانتظام من 80% فيبقي حضرتك مش هتعرف تقدم انتظام وطبعا فزاعة الانتساب معاك فتضطر تقدم كليات بعيده زي المنصورة مثلا أو طنطا او غيرها .
فلو حضرتك حسبتها صح يبقي الانتساب افضل من الانتظام هتوفر فلوسك ووقتك ومجهودك وخصوصا لو جبت جيد اول سنة جيد بتحول انتظام علي الكية القريبة .
طيب سؤال انا خلصت كليتي انتساب وغيري خلصها انتظام هل هيكون له افضلية في الوظيفة ؟
ببساطة الاجابة لا .
للتفاصيل انظر الحلقة
ليست هناك تعليقات:
إرسال تعليق