كيفية الاستعلام عن منحة القوي العاملة عن طريق الرقم القومي حلقة تعاونية بيننا

اهلا ومرحبا بكم متابعي قناة ومدونة ابن مصر

اليوم بفضل الله معانا حلقة هامة بتهم اخواتنا من العمالة غير المنتظمة والمؤقته وتقدموا بتسجيل بيانتهم في وزارة القوي العاملة في الفترة المحددة وعايز يستعلم عن الاستحقاق من عدمه بخصوص منحة 500 من القوي العاملة

وبداية ياريت تدعمنا بالاشتراك والاعجاب والمشاركة والامتابعة فضلا وليس امرا ليصلك كل جدبد

اتكلمنا سابقا عن الاستعلام عن طريق الموقع الالكتروني اهالينا ولكن بعد فتره قصيرة الموقع توقف عن العمل عن العمل نهائيا بسبب الضغط أو بسبب تفعيل غيره من أدوات الاستعلام المدفوعة .

وايضا اتكلمنا عن الخط الساخن وهو عن طريق الاتصال برقم 142 والرد علي المجيب الالي وادخال الرقم القومي ولا يخفي علي حضراتكم ان المواطن المصري بسيط واباءنا الافاضل واخواتنا الامر صعب عليهم .

واليوم معانا طريقة سهله جدا عن الاستعلام وهي ارسال رسالة لرقم 142 بها الرقم القومي وهنشرح الموضوع ده ازاي لكن ركز جيدا في الكلام اللي هاقوله لحضرتك ؟

أولا :

الحلقة دي تعاونية بمعني اللي مش هيعرف يستعلم لاي سبب انا تحت امره في الاستعلام وذلك بقدر الامكان وعلي حسب توافر الخدمة , وانا شاء الله ياريت اخواتنا واعضاء القناة والمدونة يساعدوا بقدر الامكان لان الله في عون العبد ما دام العبد في عون اخيه

ثانيا :

علشان تبعت الرسالة لابد يكون معاك نص جنيه وهو ثمن ارسال الرسالة وفي تحديث أخير لثمن الرسالة اصبحت 10 قروش

ثالثا :

الاستعلام ده بيمر علي مراحل يعني اللي قبضوا في المرحلة الاولي لو استعلموا في المرحلة الثانية اللي شغاله حاليا الرسالة هتكون غير مستحق .

كيفية الاستعلام

من أي تليفون محمول مش شرط تليفون صاحب الطلب ويكون فيه رصيد علي الاقل 50 قرش هتدخل علي ايقونة الرسايل وبعدها تضغط علي رسالة جديدة وتكتب المرسل اليه 142 وتكتب نصر الرسالة الرقم القومي فقط بالانجليزي من الشمال لليمين وتعمل ارسال وتنظر لانه ممكن ياخد وقت

وزي ماهو ظاهر امام حضرتك قمت بارسال مجموعة من الارقام القومية وتم الرد المستحق بيقول مستحق وموعد الاستحقاق ومكان صرف المنحة واللي مش مستحق بيقول غير مستحق واذا تاخرت رسالة الرد ممكن تعمل ارسال لها مرة اخري ومراعاة ان هناك ضغط كبير علي تلك الخدمة وهي تعتبر الانسب والاصدق .