اهلا ومرحبا بكم متابعي قناة ومدونة ابن مصر
اليوم بفضل الله معانا حلقة هامة لاول مرة بتهم كل واحد في مصر وغيرها من الدول وياريت حضرتك تتابعنا لاخر الحلقة
وبداية ياريت تدعمنا بالاشتراك والاعجاب والمشاركة فضلا وليس امرا
نظرا للظروف الاقتصادية الصعبة جدا اللي بتمر علينا واللي الجأت بعض من الناس والذي لا يتقي الله في اموال الناس انه ميشتغلش ويخلي اعتماده الكلي علي النصب علي الناس وسرقة اموالهم .
وموضوع الحلقة اليوم بيرد علي تساؤلات كثيرة من مشاهدي ومتابعي قناة ومدونة ابن مصر , وكنا اتكلمنا في حلقات ماضية منها علي سبيل المثال حلقة كيفية التسجيل الصحيح في منحة 500 جنية من القوي العاملة بدون سرقة بياناتك , وايضا حلقة المرحلة الثانية لدعم العمالة غير المنتظمة فنكوش .
وشرحنا ان النماذج دي الهدف منها انها بتسرق البيانات وده كان في وقت مبكر جدا ولذلك كانت قناة ابن مصر هي الوحيدة اللي اتكلمت عن موضوع سرقة البيانات لدرجة ان كتير من المشاهدين مكنش مصدق وقال تعليقات سيئة ولكن تبين ان القناة كانت علي صواب
ولكن كان هناك سؤال متداول بكثرة وهو ماذا سيفعل سارق البيانات بتلك البيانات وما الهدف من ذلك , بمعني النصاب ده هيستفاد بايه من الكلام ده ؟
بداية اقول لحضرتك ان النصاب بامتلاكه بيانات حساسة زي الاسم رباعيا والرقم القومي والعنوان ورقم التليفون والوظيفة واشياء كثيرة مش معني الكلام ده انه هيبيعك البيت أو العربية أو منقولات أو عقارات ده كلام مش مضبوط , وكمان مش ممكن هيسجل ببياناتك في القوي العاملة أو الازهر أو أي منحة ويقبض هو لا الكلام ده ايضا غير منطقي
ولكن ممكن يكون الموضوع خطير وغير متوقع طيب ازاي ؟
معروف ان كل شيء بيتتطور في مجالة حتي السرقة والنصب ايضا بتتطور باستمرار وعلي حسب درجة التطور والاقناع السارق هيحقق اللي هو عايزه .
وهاذكر لحضراتكم موقف حقيقي متكرر وبحدث يوميا ولازم يمر عليك أو علي أي حد تعرفه وياريت تاخد بالك منها جيدا لدرجة ان وانا باعمل اعداد لتلك الحلقة بمر علينا ذلك الموقف من نصاب وتم ابلاغ شركة المحمول عنه
بداية بيجيلك اتصال علي تليفونك المحمول بيقولك احنا شركة المحمول والف مبروك انت كسبت معانا جايزة مالية كبيرةعلشان انت عميل مميز والجايزه دي عبارة عن 3 الاف جنيه وهتصرفها دلوقتي من عند أي حد عنده مكنة فوري أو امان أو أي شركة دفع ومش هتدفع غير 30 جنيه
وياكد عليه النصاب علي اربع حاجات
- اول حاجة انه لما يروح يسحب الجايزة ميقلوش لصاحب المكنة انها جايزه علشان صاحب المكنة ممكن يطمع في الجايزة وياخدها لنفسه
- تاني حاجة انه يدي التليفون لصاحب المكنة علشان النصاب يعرفه طريقة سحب الجايزة بتم ازاي ؟
- ثالث حاجة انه يفهم صاحب المكنة ان النصاب ده قريبة
- رابع حاجة انك متشغلش السماعة الخارجية
لحد هنا كل شيء طبيعي
وبعد ما الضحية الفاهم الواعي يروح لصاحب المكنة يقوله خد التليفون كلم ابن خالتي واعمل اللي هو بيقولك عليه .
صاحب المكنة يكلم النصاب ايوة يا افندم يقوله عندك فوادفون كاش يقوله اه يقوله الالف عليها كام يقوله 10 جنيه ويقوله النصاب والثلاثة يرد صاحب المكنة عليهم 30 جنيه
يعني لو اخدت بالك مش أي كلام بيسالة النصاب للتاجر وخلاص لا دا بيسال التاجر ودائما الاجابة بتكون في مصلحة النصاب وبطمن قلب المجني عليه اللي بيكون مفكر انه جاي يصرف الجايزة مش جاء يدفع فلوس
وبعد كده التاجر يمسك في الزبون المجني عليه واللي هيدفع في الاخر لانه قال اعمل اللي هو عايزه
والطريقة دى رغم انها بتعدي علي ناس كتير لكنها كانت مكشوفه من حيث ان النصاب كان بيسال المجني عليه عن اسمه والمفروض طالما موظف من شركة المحمول يبقي عارف بيانات العميل كويس
نيجي بقة للمشكلة الكبري ان حضرتك سجلت في المواقع المزورة بكامل بياناتك يبقي كده النصاب عنده ارشيف ببيانات حساسة لملايين من الناس والبيانات دي بتتباع عادي لنصابين اخرين.
فلما يجي لحضرتك اتصال من واحد نصاب مش هيسال عن اسمك لا الكلام ده كان زمان داه يقولك اسم رباعي وانت منين وميلادك وشغلك وسهل جدا انه ينصب عليك والله المستعان
ليست هناك تعليقات:
إرسال تعليق